 |
सिराज शेख हे दि. १५ डिसेंबर रोजी हिंगणगाव ता. परांडा येथील काम आटोपून सायंकाळी गावाकडे परत निघाले होते. रात्री आठचे सुमारास बार्शी लातूर बायपास रोडवरील नेवाळे यांच्या खुले प्लॉटींग बोर्ड लावलेल्या ठिकाणी ते दुचाकी थांबवून लघुशंकेसाठी गेले.
त्यावेळी समोरुन अंधारातून एक इसम आलेला दिसला. त्याला कोण आहे असे विचारताच त्याने त्यांना ढकलून खाली पाडले आणि हातातील मोबाईल हिसकावून घेतला. त्याचवेळी पाठीमागून आलेल्या आणखीन एका इसमाने पाठीमागून पकडून दोघांनी त्यांच्या खिशातील नऊ हजार रुपये, चार एटीएम कार्ड, दुचाकीचे आरसी बुक व लायसेन्ससह असेलेले पाकिट जबरदस्तीने काढून घेतले आणि ओरडलास तर तुला सोडणार नाही अशी धमकी दिली.
त्यावेळी तेथे अजून एक इसम मोटरसायकल घेऊन आला, तेव्हा ते दोघेजण त्याच्या मागे बसून निघून गेले. त्या मोटरसायकलवर एमएच-१३-डीपी-८३१३ असा नंबर ब्रेकलाईटच्या उजेडामुळे त्यांना दिसला. याच ठिकाणी माझे परिचित श्रीकांत दशरथ देवकते रा. जामगांव, ता. बार्शी यांचाही मोबाईल चोरट्यांनी पळविल्याचे समजले, असेही शेख यांनी फिर्यादीत नमूद केले आहे.
सदर फिर्यादीनुसार बार्शी तालुका पोलिस ठाण्यात तीन अनोळखी इसमांविरोधात गुन्हा नोंद झाला आहे.
