 |
कैफ तांबोळी यांनी दिलेल्या फिर्यादीनुसार, आपण चोरमुले प्लॉट येथे जाऊन येवू असे माझा मित्र उमेश ननवरे म्हणाला, म्हणून आम्ही दोघे दि. १६ डिसेंबरच्या रात्री १० चे सुमारास माझ्या मोटरसायकलवरुन चोरमुले प्लॉट येथे गेलो. त्यावेळी तेथे विशाल कटके व इतर पाच मुलांचे भांडण चालू होते.
त्यांचे भांडण सोडविण्यासाठी उमेश गेला असता, त्याला त्या मुलांनी मारहाण करण्यास सुरूवात केली. त्यावेळी उमेशला का मारता असे म्हणून भांडण सोडविण्यासाठी मी गेलो असता, तुझा काय संबंध, तू इथे कशाला आला असे म्हणून विशाल कटके याने मला लाकडी दांडक्याने कपाळावर मारुन जखमी केले, तसेच त्याच्या भावाने गमज्याने तोंड दाबून, गळ्याला धरुन मला खाली पाडून त्याने व इतर चार अनोळखी मुलांनी शिवीगाळी करुन लाथाबुक्क्यांनी मारहाण केली, व पुन्हा आमच्या वाटेला गेलास तर जीवंत सोडणार नाही अशी धमकी दिली. तसेच माझ्या मोटरसायकलची मोडतोड करुन नुकसान केले.
