दि. ९ मार्च २०२२ रोजी रात्री नऊचे सुमारास दहिटणे स्टँडवरील दूध डेअरीवर दूध वाढून डेअरीजवळ मी थांबलो असताना गांवातील बालाजी बाळासाहेब काशीद, व धनाजी बाळासाहेब काशीद या दोघांनी दारु पिऊन विनाकारण शिवीगाळी करण्यास सुरवात केली. शिव्या का देता असे विचारले असता, बालाजी याने दगडाने पायावर मारहाण केली, धनाजी याने जोरात ढकलून खाली पाडले व अंगावर बसून खिश्यातील मोबाईल फोन काढून खाली आपटला. तसेच दोघांनी मिळून हाताने व लाथाबुक्क्यांनी मारहाण केली. यात मला दुखापत झाली व मोबाईल फुटून नुकसान झाले.
चक्रधर काशीद, काकासाहेब अंधळकर, हणुमंत काशीद यांनी आमची भांडणे सोडविल्यानंतर, मी घरी गेल्यावरही त्यांनी माझ्या घरासमोर येऊन मला व माझ्या आई वडिलांना शिवीगाळी करुन जिवे मारण्याची धमकी दिली. अशी फिर्याद प्रशांत चंद्रशेखर काशीद (वय ३०) रा.दहिटणे, ता.बार्शी वैराग पोलीस ठाण्यात दिली आहे.
