सौंदरे सोसायटी निवडणूक; आ. राजेंद्र राऊत यांचे वर्चस्व

 

Saundare Society Election; Dominated by Mla Rajendra Raut

बार्शी : सौंदरे येथे नुकत्याच पार पडलेल्या सोसायटीच्या निवडणुकीत आ. राजेंद्र राऊत यांच्या गटाने विरोधकांचा १३ विरुद्ध ० फरकाने पराभव करुन दणदणीत विजय मिळविला. मतदान प्रक्रियेतून झालेल्या १२ जागांवर विजय मिळवित व मतदानापूर्वी १ जागेवर बिनविरोध विजय मिळवित एकूण १३ जागांवर प्रस्थापितांच्या विरोधात निर्विवाद वर्चस्व मिळविले.

आ. राजेंद्र राऊत यांच्या मार्गदर्शनाखाली व सौंदरे गांवचे उपसरपंच राजाभाऊ सुरवसे, चंद्रकांत (पिनू) कानगुडे, भालूआबा वाणी, भारत कदम व राऊत समर्थक कार्यकर्त्यांच्या नेतृत्वाखाली सदरची निवडणूक लढली गेली. 

या निवडणुकीत श्रीधर कानगुडे, सुरेश जाधव, भगवान चव्हाण मारुती कदम, हनुमंत जाधव, सुनील कानगुडे, विजय कदम, उत्तम लोंढे, चंद्रकांत पवार, श्रीमंत जगताप, परमेश्वर कानगुडे, सौ. चित्रा कानगुडे, सौ. अनुराधा कदम हे तेरा उमेदवार भरघोस मतांनी निवडून आले.

या विजयानंतर सर्व विजयी उमेदवारांचा, आ. राजेंद्र राऊत यांनी सत्कार करुन अभिनंदन केले. यावेळी माजी नगराध्यक्ष आसिफभाई तांबोळी, माजी नगराध्यक्ष रमेश पाटील, माजी नगरसेवक प्रकाश मनगिरे, विलास आप्पा रेनके, प्रशांत कथले, बाबासाहेब मोरे, भारत पवार उपस्थित होते.